ສ.ເກົາຫຼີ, ຍີ່ປຸ່ນ ແລະ ອາເມຣິກາ ຊ້ອມຮົບຮ່ວມທາງທະເລ
ຕາມຂ່າວສານຊິນຮວາ ລາຍງານວັນທີ 11 ຕຸລາ ນີ້ວ່າ: ກອງ ທັບ 3 ປະເທດ ສ ເກົາຫຼີ, ສ ອາເມຣິກາ ແລະ ຍີ່ປຸ່ນ ໄດ້ເລີ່ມຊ້ອມຮົບ
ຮ່ວມກັນຕ້ານການແຜ່ຂະຫຍາຍອາວຸດລ້າງຜານ (WMD) ຢູ່ເຂດທະເລສາກົນທາງທິດຕາ ເວັນອອກສ່ຽງເໜືອຂອງໝູ່ເກາະ ເຈຈູ, ສ ເກົາຫຼີ.
ນີ້ແມ່ນການຊ້ອມຮົບ 3 ຝ່າຍຕ້ານການແຜ່ຂະຫຍາຍຂອງອາວຸດລ້າງຜ່ານທາງທະເລຄັ້ງທຳອິດນັບແຕ່ ປີ 2016 ແລະ ກໍແມ່ນການ
ຊ້ອມຮົບຕ້ານໂຈນສະລັດ ເທື່ອທຳອິດນັບແຕ່ປີ 2017. ເຂົ້າຮ່ວມການຊ້ອມຮົບຄັ້ງນີ້ປະກອບມີ: ກຳປັ່ນຂັບໄລ່ ແລະ ກຳປັ່ນໜູນຊ່ວຍດ້ານພະ
ລາທິການ Cheonji-AOE -57 ຂອງທະຫານເຮືອ ສ ເກົາຫຼີ, ກຳປັ່ນບັນທຸກເຮືອບິນ ຂອງທະຫານເຮືອ ອາເມຣິກາ ແລະ ກຳປັ່ນຂັບໄລ່ຂົນ
ສົ່ງເຮືອ Hyuga ຂອງກຳລັງປ້ອງກັນຕົວທາງທະເລຂອງ ຍີ່ປຸ່ນ.
ຕາມກອງທັບ ສ ເກົາຫຼີ ແລ້ວ, ການຊ້ອມຮົບແມ່ນສຸມໃສ່ເຂົ້າໃນການດັດປັບກຳລັງຄວາມສາມາດນາບຂູ່ ແລະ ຮັບມືຂອງ ສ ເກົາຫຼີ, ອາ
ເມຣິກາ ແລະ ຍີ່ປຸ່ນ ຕໍ່ໜ້າການເພີ່ມທະວີການນາບຂູ່ດ້ານນິວເຄຼຍ ແລະ ລູກສອນໄຟຂອງຝ່າຍກົງກັນຂ້າມ, ພ້ອມທັງເພີ່ມທະວີຄວາມສາມາດ
ສູ້ຮົບບົນທະເລ ເພື່ອຮັບມືກັບບັນດາໄພນາບຂູ່ດ້ານຄວາມໝັ້ນຄົງທາງທະເລ ແລະ ສ້າງບັນດາຫຼັກການອີງໃສ່ກົດໝາຍສາກົນ.
ແຫຼ່ງທີ່ມາ: ໜັງສືພິມກອງທັບ
ວັນທີ 13/10/2023